Заштити ја водата, заштити го животот!

Во рамки на националната програма „Зелен волонтеризам“, во периодот од октомври до декември 2025 година волонтерите од Клубот на млади на Црвениот крст на РСМ – Општинска организација Карпош реализираат повеќе еко-активности чија цел е поттикнување на еколошката свест кај младата популација.

Како резултат на климатските промени, животната средина се повеќе се соочува со потопла и посушна клима што доведува до сушни периоди, но и поплави. Здравствените ризици поврзани со ефектите од климатските промени и нечистата животна средина вклучуваат зголемена стапка на респираторни и кардиоваскуларни болести, појава на инфективни болести кои се пренесуваат преку вода, храна, воздух и почва, последици по менталното здравје, последици од влијанија на токсични супстанци кои ја контаминираат животната средина, повреди и зголемена смртност поврзани со екстремни временски услови.

Зелен волонтеризам е младинска програма чија главна улога е подигнување на свеста кај младата популација за зачувување на животната средина, последиците по здравјето предизвикани од зголемената акумулација на отпад, загадувањето на водата, почвата и воздухот, глобалните климатски промени.

Во продолжение го претставуваме изработениот постер за заштита на водата.