Редовни состаноци на Клубот на млади во учебната 2025/2026

Со цел полесно информирање, споделување на информации, планирање, организирање, координирање на активностите и делегирање на обврски и задачи, Клубот на млади на Црвен крст на РСМ – Општинска организација Карпош, континуирано реализира редовни состаноци во текот на учебната година во препознатливиот редовен термин – секоја сабота од 17:30 часот во објектот на ЦКРСМ-ОО Карпош.

Во учебната 2025/2026 година, Клубот на млади на ОО Карпош реализираше 32 редовни состаноци на кои се остварени вкупно 880 присуства од страна на над 80 волонтери и разгледани се вкупно 212 точки по дневните редови.

Дополнително, во истиот период помеѓу два состаноци на Клубот, Координативното тело на Клубот одржало 10 состаноци на кои се остварени вкупно 69 присуства и се разгледани вкупно 71 точка по дневните редови.