Освежителни курсеви по прва помош во Црвен крст на РС Македонија-Општинска организација Карпош

                  Во рамките на Кампањата „Твоето незнаење чини живот“ ,Општинската организација Карпош на 23 и 30 Јули 2019 спроведе два освежителни бесплатни курсеви по прва помош наменет за возачи.  Курсевите се одржаа во просториите на Општинската организација Карпош и од страна на лекар предавач и демонстратор, при тоа користејќи визуелни презентации и практично демонстрирање на укажување на прва помош.

             Вкупно 33 слушатели имаа можност да го подигнат сопственото ниво на знаење за брза и витална интервенција чија цел е да се спаси човечки живот, но и да се намалат компликациите од настанати повреди и инвалидитет.

           На курсните настави беше обезбедено  присуство на познатите личности Игор Стефановски-Иџе-двократниот шампион во автомобилизам и поранешниот началник на Генерал штаб на Армијата на Република Северна Македонија, г-дин Генерал Мирослав Стојановски, кои беа дел од учесниците на овие освежителни курсеви а преку видео порака ја поздравија Капмапањата и упатија апел за вклучување на сите останати граѓани во истатата.