Одбележување на Недела на борба против гладта

           Во рамки на одбележувањето на Неделата на борба против гладта која во периодот од 16 до 22 октомври се спроведуваше под мотото ,,Помислете и на нас,, Црвен крст на  Република Северна Македонија-Општинска организација Карпош реализираше повеќе активности за обезбедување на хуманитарна помош за ранливото население.

        Во  Гимназијата ,,Здравко Цветковски“ и во основното училиште ,,Тихомир Милошевски“ беа реализирани собирни акции за собирање на прехрамбени производи и облека, а Клубот на млади на ОО Карпош реализира продажен хуманитарен штанд во маркетот Веро.

         Од спроведените активности беа обезбедени вкупно 220 кгр. половна облека, обувки и постелнини и 199 кгр. прехрамбени производи а целата обезбедена помош беше доделена на 70 лица од 21 семејство во  социјален ризик.

        Во акцијата беа вклучени 30 ученици и 26 волонтери од Клубот на млади на општинската организација кои остварија 264 волонтерски часа.