Одбележување на Неделата на хигиенизација

Црвениот крст на Република Северна Македонија, во периодот од 08 до 15 април 2026 година, ја одбележа Неделата на хигиенизација под мотото „Хигиената – лична обврска за колективно здравје“. По повод Неделата, Црвен крст на РСМ – ОО Карпош во текот на месец април 2026 година организираше една креативна работилница за 26 деца и млади – целната група на проектот „Хуманко“, како и 12 едукативни предавања за 255 ученици од ООУ „Христијан Тодоровски Карпош“, ООУ „Петар Поп Арсов“ и ООУ „Јоаким Крчоски“.

Преку реализираните активности учениците имаа можност да се информираат за значењето на личната и колективната хигиена, како и за нејзината улога во превенцијата од заразни заболувања и зачувувањето на личното и јавното здравје. Со подигнување на свеста за хигиенските навики се придонесува кон создавање поздрава и побезбедна средина за сите.