10–16 Октомври: Недела на борба против дијабетес

Црвениот крст на Република Северна Македонија во периодот од 10 до 16 октомври ја одбележува Неделата на борба против шеќерна болест (дијабетес), под мотото „Здрави животни навики во превенција на дијабетес“.

Дијабетесот е заболување кое може да предизвика сериозни здравствени компликации доколку не се открие и контролира навреме. Зголемената жед, честото мокрење, заморот и заматениот вид се дел од симптомите на кои треба да се обрне внимание.